सरससुबोधा विश्वमनोज्ञा
ललिता हृद्या रमणीया।
अमृतवाणी संस्कृतभाषा
नैव क्लिष्टा न च कठिना॥ ॥नैव क्लिष्टा॥
कविकोकिल-वाल्मीकि-विरचिता
रामायणरमणीय कथा।
अतीव-सरला मधुरमंजुला
नैव क्लिष्टा न च कठिना॥ ॥सुरस.....॥
व्यासविरचिता गणेशलिखिता
महाभारते पुण्यकथा।
कौरव - पाण्डव -संगरमथिता
नैव क्लिष्टा न च कठिना॥ ॥सुरस.....॥
कुरूक्षेत्र-समरांगण - गीता
विश्ववन्दिता भगवद्गीता
अमृतमधुरा कर्मदीपिका
नैव क्लिष्टा न च कठिना॥ ॥सुरस.....॥
कविकुलगुरू - नव - रसोन्मेषजा
ऋतु - रघु - कुमार - कविता।
विक्रम - शाकुन्तल - मालविका
नैव क्लिष्टा न च कठिना॥ ॥सुरस.....॥
जयतु संस्कृतम्।। जयतु भारतम्।।
https://youtu.be/VuuoR3m1Lm4
1 टिप्पणी:
शोभनम -
एक टिप्पणी भेजें