शूरा वयम्
शूरा वयं धीरा वयं वीरा वयं सुतराम्
गुणशालिनो बलशालिनो जयगामिनो नितराम् ।।
दृढमानसा गतलालसाः प्रियसाहसाः सततम्
जनसेवका अतिभावुकाः शुभचिन्तका नियतम् ।। १ ।।
धनकामना सुखवासना न च वञ्चना हृदये
ऊर्जस्वला वर्चस्वला अतिनिश्चला विजये ।। २ ।।
गतभीतयो धृतनीतयो दृढशक्तयो निखिलाः
यामो वयं समराङ्गणं विजयार्थिनो बालाः ।। ३ ।।
जगदीश हे परमेश हे सकलेश हे भगवन्
जयमङ्गलं परमोज्ज्वलं नो देहि परमात्मन् ।। ४ ।।
कोई टिप्पणी नहीं:
एक टिप्पणी भेजें